Gemeentebelangen Bedum
   

Begroten 2010

Aigenlieks mout t joe begroten, aans je t nuchter bekieken
Mor joa hou nuchter mouten ie weden, aans ie lezen dat Fara. O. te E verschaaidend moal woarschouwd is, dat hai luustern mout noar zien onnerdoanen. Mor nee, stiefkoppeghaid hiel hom tegen. Hai kwam ien swellen en ombaalgen omhaals mit zien haile karavoan. Aigenlieks mout t joe begroten, ook aal binen ie n ienwoner van Onderndaam.Din nog! Mor ja hou nuchter mout ie weden aans ie oetleg kriegen , dat benzeen gain gevoarliek goudje is. Aans ie der ien omspitten din is t àinend “poef”en vot is t. Lucht ien. “poef”. Aigenlieks mout joe begroten  aans je der nuchter tegen aankieken. Dat aal dij overstekertjes, en aal dij handtaikenzetters en aal moties en de haile santemetiek deur stiefkoppeghaid de vailege oversteek noar t beloofde laand nog nait moaken kinnen.  Is ter nog genog verbaand om swellerij te bedekken? Kin je onnerdoanen ook zoveul sprinkhoanen opvreten loaten dat je der zulm gain last van hemmen? Kin je van  hoagelstainen  ien Beem ook vraiskisten baauwen loaten om omgevenstempraturen dij hier sums tot n kookpunt oplopen, ien te dammen ? Twiefelachteg!

Aigenlieks mout t joe begroten om te zain, dat er aal geheurverstaakers aan te pas kommen mouten. Aans ter mit n schaive kop naor n spreker of spreekster tou draait mout worden, om te heuren wat van geluden ter wied vot oet de verte kommen, en nait meer deurdringen. Mit vouten deur aigen ombaalgen slovven en t zulm nait meer zain, din mout joe dat begroten, veur H. te V. en c.s. Stiefkoppeghaid hè! Krekt zo begrodelk aans, t drij moal ainder opbrabbeln van geliekse begrotensstukken. Denken ie dat wie zò slicht binnen dat dat neudeg is. Geef mie din mor dat frizze wicht. Help mie even, hou hait zai ook weer, mit heur interviews òp n wit loaken. Màn, je zollen der hoast mit ònner t loaken kroepen, of nait din?  Doar wors even kèl van! Zukswat hemmen wie nog nooit eerder mitmoakt.   No mouten ie krekt aans ik ook ains ónner dij grode vegoadertoavel kieken.  Kiek ains hou consorten hakken ien t tapijt zetten.

Zai perbaaiern aans echte voetballers n veurzet te geven. Stoulen worren noar veuren schoven ,om aale veurzetten van links ien te koppen, Schienbewegens, scheren en pootjestroekelderij onner toavel binnen nait van meer te tellen. Joa minsen onner toavel deur kinnen ie krekt zain hou krampachteg de klaaine meerderhaid zich ien t pluus vastgroaven kin. Hier en doar komt aal nuver sliet   Aigenlieks mout t joe begroten van t flòuerklaid. Nait din?  Of rollen ie mit volgende verkaizens zoo`n vraid kokesmatje oet veur dit soort volk?    Aigenlieks zol mie dàt nait begroten, mor n stuk of wat maggen der ook aans over prakkezaaiern.

Ottie

Share
comments
   

Wie is online  

We hebben 26 gasten en geen leden online

   

Statistieken  

   
© Gemeentebelangen Bedum