Gemeentebelangen Bedum
   

Gain lintjes ien Beem

Der binnen zoas t no liekt gain lintjes opspeld deur Henkie mit “Bij koninklijkbesluit.”, “Hebben goedgevonden en verstaan”
Gereudel dat ons drij wethollers n lintje kriegen zollen, is gezain aal  kemooties van de boan en mit verkaizensnederloag van dizze kowalitie, aankomend joar dus oetsloten.

Kiek noar n wetholler van t pierebad, dij zien vingers al meer dan twij joar braandt aan Domowodder.

n Puutholler, dij zien gemaintelke automoatiseerns mit € 200.000 tot € 500.000 oet klaauwen lopen loat, zunner ook mor Cyberproof te weden veur DDoss.

Of n Openboare- Waarken wetholler dij zug veur zoveulste keer vergapt ien wodder. Eerst twij moal zoveul bragel ien Daipwodder. Dou mit optillen van Onderndamsterklap. En as klap op vuurpiel opening deur Max van n zebroapad dij der mor nait kwam op n weg van viefteg Km, mit bodjes van datteg Km en rabbelnde putdeksels.
Aanwoners haren nog zo zegd, zulf-level putdeksels mouten der kommen, op aanwiezens van deskundegen.
t Was ons Hinderk te duur!
En no is der toch, zunner toal of taiken, ien n poep en n scheet wat gebeurd.
Ien onze rooie klinkermotiefstroat liggen nije putdeksels mit swaarde raauwraanden ien rubbertjes. D vaierhonderd staait ter op deksel en gain Solo self level S zeshonderd schunestreep negentien veur snel- en  baauwverkeer, t beste wat stroat wol. Leverancier Struyk  laagt zuk dood en wacht op daarde ronde van bestellens

Oh joa AQUAGATE staait op deksel, das aigenste as WATERGATE en doar binnen zuls Amerikoanze presidenten veur oftreden.

Nee lintjes kinnen ie wel vergeten lu. Dat wort hom nait meer

Ottie

Share
comments
   

Wie is online  

We hebben 68 gasten en geen leden online

   
© Gemeentebelangen Bedum