Gemeentebelangen Bedum
   

Laandhonden

Goidag lu, k zel mie weer even veurstellen. Ottie is de noam.
<Joa, k heb joe wat verwoarloosd òflopen tied.
Ien jannewoariemoand twijdoezendelf binnen wie mekoar elf moal veurbiekommen, ientwijdoezendtwaalf, oh wat n schrik, ain moal!
En ien twijdoezenddattien twij moal.
k Haar der nait zoveul acht op sloagen mor joe hemmen mie doezenden moalen stalkt as k bezuikersiefers optel.
Dus. Der mout mor even n ienhoalslag kommen lu, t is per slot van reken dit joar ook weer verkaizenstied nait woar.
Eerste taikens binnen aal zichtboar tussen Ellerhoezen en Q-aacht.
Der lopen ien begun en end twij klaiden op hoge poten ien t gruinlaand.
Tachteg bomen wieder, vanòf  Ellerhoezen, heb k teld, staait n hond mit n minskenkop.
No heb k wel ains ien Griekse mythes en soagen lezen van n vervoarlieke Kerberos hond, mit twij koppen, dij ien onderwereld leefde en aan ket legd is deur Herakles, mor……..
En nait zómor n hond  As k goud zai zit op dij hondenek mevraauw Annemarie Ubels streepke Heite !!!
Zai laagt joe tou.
Sjaaltje om haals en wat staait ter bie? PASSIE !
Verbeeldt dat heur zulm, hond of GB?
Gustern van waark òf heb k aal even noar heur swaaid.
Van morgen zag k weer wat nijs. k Docht, das toch nait woar?
Ik ien handremmen èn loeren èn loeren en joa heur, rond om rond het zai no n oranje lintje aan ziekaanten kregen. 
Dagblad v/h Noorden het lesten schreven dat zai wel sjekjes draaien en vloeitjes slikken wil veur börgmeester op Gemaaintehoes, of zukswat, zel k mor zeggen, mor joa kranten laigen wel meer. 
Nee k denk,  dat zai hofhond word op De Horsten. Kin Keuneg Willem-Alexander heur n beetje drezzeren en hondebrokjes vouern .
Of mouten wie meer denken dat dizze minskhond ien menievaarf zet is om aan te geven, dat zai ans minsk nait verrousten wil en nog laank mit gaait.
Wel t wait mag t zeggen. 
Ien elks geval, PASSIE stroalt ter van òf, of nait din?

Tot aaner moal Ottie

Share
comments
   

Wie is online  

We hebben 72 gasten en geen leden online

   
© Gemeentebelangen Bedum