Gemeentebelangen Bedum
   

Koors

Koors kinnen ie kriegen ans ie verkollen binnen of griep hemmen. Koors kriegen van verkaizens, das aner zaikte Summegen hemmen t mor zo en anern kriegen t pas tegen t lest, ans t aigenlieks gain zin meer het Vaaier joar leden, dee Gemainte Belangen dat mit noamoakroadsstoulen mit koppen der op van minsen. Wat n rebullie ! Gevestegde orde laip deur plat bie börgmeester om dij illegoale recloame oet t laand te kriegen en raipen “ t is ook zo verkeersgevoarlek.” Zes zedels kregen dij GB bloazers , mor “das te min en te onervoaren om mit te doun” zeden de vaaierentwintig joarege kammeroaden veur dat ter n woord van overleg valen was. Mor t is no weer lös minsen. Grode aanplakborden stoan aal weer opsteld en elke partij perbaaiert zien stemmers te verlaiden en nijen der bie te kriegen.

Gemaainte Belangen dut no extroa muite om meerderhaaid van zedels ien road te kriegen. Drij week leden zaag k aal n hond mit n minskenkop ien t laand mit “Passie” der op. Verduld n week loater nog ain, n snugger hondje mit mooi petretje “Pienter” was de kreet. Op aanplakborden kwamen GB plekoaten en joa hur bie naacht en ontie doar kwam VVD ook aan mit nog n kreet ter bie “Nuchter en betraauwboar “ Dat slagt noatuurliek ans n taang op n swien t Het niks mit heur kandidoaten van doun, mor joa aans ain begunt, din kin je nait achterblieven. Din mor n premootie-oavend hollen. Mainsten duurden nait noar binnen vanwegens protesten van bodembeweging. Nait dat ter aans meer ans twinteg minsen kommen waren , mor toch! Summege vroagenstellers raipen deur zoal omdat ze gain mikrofoon vaasthollen moggen Wat n vertonen!

Luu, CDA komt ook lös mit achterkoamertjesgesprekken, zoans zai altied aal doan hemmen op gemaaintehoes en om dit nog even meer dudelker te moaken plakken zai heur grootste pamflet no ook op achterkaant van borden “Dit is kat ien bakkie” denken zai zeker. Van PvdA en CU zain ie nog niks Dij hemmen, doar reken zai op, n vaste ploug dij op heur stemt. Mor as ie ien Middelsom stoan te janken en kerken leeglopen, din wait k no nait Toch kwam k bie Azzen laans n haail vremd bord van CU aan snelweg veurbie ‘Wij geloven in Assen” ston ter op. k Docht doar ontbrekt “en ien …”aan, mor nee hör. Ik zat ien auto mit oren te wappern as mien roetenwissers, staarker nog te flappern aans Jan Baarghoes zien oren! Gelukkeg zag k van week aal weer wat nije Gb kreten op laandhonden te veurschien kommen , wat mie goud veurkwam “Trouw”, “Sosioal”, en “Positief”. Ziezo dat binnen der zo geteld vief. Vief zedels is al wis en der zellen nog wel meer honden kommen en meer zedels

Ottie

Share
comments
   

Wie is online  

We hebben 73 gasten en geen leden online

   
© Gemeentebelangen Bedum