Gemeentebelangen Bedum
   

Propke schaiten

Kin mie goud heugen dat ter ien klas op legere schoul wel ais oetvervelens  of verlaaifdhaid mit propkes pampier schoten wer mit n rekkertje.  Op zòn pampierke stond mainsttied n noam of n hartje of zukswat . Zo was t ook sikkom ien leste roadsvergoadern.
Krekt aans op schoul begunde vergoadern mit swoare onderwaarpen:
Toukomstege ollernhoeskoamers. Ollern  werren deur wetholler mit  swaarde nummers ien klazzen ain, twij , drij en vaaier opdaaild. Bie vief mouten ie wegweden, doar is gain stee meer veur ien ons dörp:
Wat geschoevel mit stoulen .
Dou kwam Moarenlaand aan bod. Vinger aan pols zee n aander wetholler en gain boetenlaandse bustoustanden , wie leven ien Grunnen minsen :  Gemorrel ien roadsklas.  
De BMW van drij gemaainten kwam over toavel binnen rollen, en dou  ging t lös.  Elk ging mit kont achter ien stoul.
Gonnent wollen zulf kaizen wat maark of wie hemmen wollen.  Wie zellen Pervinzie oren ais wasken wer der roupen, en zowoar wer der gezoamelk akkedaaierd dat der n berichtje noar Max van der Berg en konsorten mos.
Aigenlieks zee Jack-Russsel-Arpi mouten wie hom noar Mark Rutten tou kuren, Wèt is veraanderd. Max het niks over ons BMW of n aander maark te zeggen. Wie mozzen zulf op t braifke schrieven wat wie hemmen wollen zee t jonge wicht, en din mit dikke elestieken  aan n kaddepult noar nHoag  knallen. Zo wied is t schane genog weer nait kommen. Propke is mit n rekkertje richten Stad schoten, mor staait niks van n zeggen op, nog gain hartje! Dikke kwoajongesboudel vanzulm. Kin Stad ook zain dat Beem mit lege  braifkes aan verkeerd adres gain ienhòlt het.
Goa mor boeten speulen zee hoofdmeester Aans ie joe vervelen goa mor swaarfvoel opzuiken ien dorp, doar ligt ja zat.
Daarde wetholler zag wel aankommen dat klas doar gain zin ien haar en raip, goa din mor tikjen of revotten ient paarkje ien Zuudwol. Nee beziedjen kinnen ie  doar nait, omreden der binnen gain heuvels, mor wel aacht boomkes doar kinnen ie wel omtou slingerpuutjen.  Op tied weerom kommen omreden klas mout nog ophimmeld worren.
Personeel het slim verlet om veurjoarsvekaanzie.
Om ofgùnsteg op te weden.

Ottie.

Share
comments
   

Wie is online  

We hebben 72 gasten en geen leden online

   
© Gemeentebelangen Bedum