Gemeentebelangen Bedum
   

Aans der aìn ding is wat k leste roadsvergoadern leerd heb, wil k joe wel vertellen, din is dat t volgende……
Ie doun wat verkeerds. Geven dat haalf tou en aaner kaant van t verhoal ook, din hemmen ie niks verkeerds doan, al kost zukswat ook twijentwintegenhaalfdoezend euro…..
Ie mouten t nait op n rechtbaank aankommen loaten mit zulfde oetsproak, omreden din worden ie veròòrdaaild veur wat verkeerds. Din zitten ie fout, begriepen ie….ik nait!
Even terug noar Froamklapbrug woar alles om draaide.
Krekt, t is gain klap mor n draai brug, dij ien t midden op n poot kruit.
Haile tamtoatie over optoakeln haar oplöst worren kind aans Te Velde  mor Te Wodder haiten haar. Din haar hai ook wel te wodder docht.
k Zel Hinderk even helpen.
Op waal bie t wodderschop liggen zat pontons te wachten tot ze wat doun maggen.
Veurzai dij van n poar draaischoamels veur oliezerpries van n iezerjeud.
Pomp pontons haalf vol wodder en voar ze aan weerskaanten onner draaibrug.
Brandweer van Beem der bie veur t leegpompen en haile brug drift op pontons ien daip.
Staarke kerels van scheepsjoagers trekken joe t veur niks op n stee woar joe boudel hemmen willen. Haile vloot onner begelaiden van TV Noord noar n helgen veur t vernijen. Geliek ook zo weerom
mor joa zolaang ie Te Velde haiten prakkezaiern ie nait aan wodder.
Hai zet zug laiver wieder of tegen börgerroad, mit grellle ogen, knaarzende koezen, kop veuroet en kont stief ien boksem achter ien stoul.
Zollen Hinderk, B en W en coalitie woddervrees hemmen of bang weden om be –en veroordaild te worren ?
Dizze groates ottieroad zel òòk wel weer niks worren !
Goie road  heurt tegensworreg duur te weden.

Ottie

Share
comments
   

Wie is online  

We hebben 72 gasten en geen leden online

   
© Gemeentebelangen Bedum