Gemeentebelangen Bedum
   

Buske komt zo en gezond verstand.

Heb no Max vd Berg ons kommesoares dij oet n Very Importend Person buske stapte en votdoadelk mit kiener en moekes aan proat ging over vaileghaid.

Moekes en omstanders haren t veurzichteg over vrachtverkeer, mor Max prait mit

“gezond vestand” over DOMO verkeer en ontsloeten.

Aal t volk mos soamen mit politiek tot n oplözen kommen, zee hai.

En sebait stapte ons börgmeester mit n ket om nek oet t buske. Kiener dij hom aankeken veur n VIP vlogen hom om haals en hai gaf handtaikens vot.

Wethollers en veurlichter stonden der mit knikkende knijen bie en wezen nkanner schudkoppend, mit holle ogen en smale lippen noar t verdraiteg haalf uurke vlagvertoon.

n Man mit n gabberdienen jes buulde veuroet om n mobiel zeebroapad oet te rollen.

Max laip jenteg deur stroat over rozenbladjes en sjansde of hai scharrelderij hemmen wol mit dörp.

Mit ain van kiener aan haand vroug hai of hai zeebroapad officieel ien gebruuk nemen mog.

Veur radio en TV zee buurtregenjes , dat hai t dee veur vaileghaid van kiener en klaainkiener.

En dou kwam kraant.

Ik haar t nait zo schreven aans ik heur west was, mor joa dronken volk mainen dat zai nuchter schrieven kinnen en verlaizers, dat zai filaine  stukjes maggeln mouten om winnoars te lieken.

Stèlje nustschieters!

N Gods zegen, dat ter nog  minsen binne mit  “nuuchtern gezond verstand”.

Ottie

Share
comments
   

Wie is online  

We hebben 70 gasten en geen leden online

   
© Gemeentebelangen Bedum