Gemeentebelangen Bedum
   

Sprinkhoanen

Mien bruier dij bot slim nijschiereg is, mor nait zo`n  grode held, was zotterdag ook even op pruiverij west
Hai wol allint even kieken, mor nait aan rekkers lucht ien op springkuzzen  hai.
Hai haar eerst even ien kompjoeter bie Wikileaks van Wikipedia keken en wat gehaaime info opzöcht over meelwurms en sprinkhoanen.
No din waiten ie al wel woar of hai west het, nait din?
Meelwurms, aaiwitriek vouer veur arm volk, ston op t schaarm.
Veur riekere Beemer bewoners, kregen wie ze bakken ien n stoetje veurschuddeld, mit n kwak sukkeloa der over zee mien bruier.
Zo kon hai hom goud ienleven ien Oafrikoa duchde hom.
Mor dou kwam t.  Hai ston op maart noast n vraauwspersoon dij ook wel voaker ien t t Dagblad nuimt wer, en no ook weer. Dij haar n stoetje sprinkhoan en nog ain en nog ain en dat ging mor deur!
Bruier zag dat ze poten en vleugels weer oetspijde  “Zo dij kommen nait veul wieder”, zee zai “en hemmen poten no ook onder t lief vot”.
En wieder vrat zai ze mit hoed en hoar op. Kop ook!
“Binnen toch mor lege koppen”,  zee zai tegen bruier.
“Joa”, zee hai dou , “heb k ook lezen op kompjoeter ”.
“Sprinkhoanen vlaigen allint ien kobbels overaal op of, en loaten
n bult ellèn achter en binnen ook stoer te bestrieden” en der ston nog wat ien t Engels bie,
“ If you can`t beat them, eat them “
“No bin k nait zo goud ien summege toalen, mor k bergreep votdoadelk dat dij Marie noast mie hoast wel ien politiek zitten mos, zai vrat mor deur!”
“Wat denks doe?  Het dat ter wat mit van doun?”, vroug bruier
“Kins mor zo geliek hemmen”, zee k weerom.

Ottie

Share
comments
   

Wie is online  

We hebben 70 gasten en geen leden online

   
© Gemeentebelangen Bedum