Gemeentebelangen Bedum
   

Zo mor n beeld

Zo mor n beeld veur ogen laans van twijdoezend en elf joar leden.
n Week veur Poask.
n Landvoogd dij schietensbenaauwd  veur n opstand, n onschuldeg mins overgeft aan Farizeeërs en gepeupel en zien hannen ien onschuld wasken gaait aans zien sloaf niskzeggend wodder over zien hannen spoult. Der is gain hollen aan. De man dij t veur elk goud bedould het, word overleverd en aan n kruuis hongen en staarft n erbarmelieke dood. Dat beeld wor k nait meer kwiet.

Zo mor n beeld van n roadsvergoadern gusteroavend. n Veurzidder dij zien sloaf noast hom het en n rabijn dij n goud beeld het van wat ons bevolken wil mit bezunegingen. Der wazzen ien Onderndaam nul mensen .Ien Beem zes en Noord- en Zuudwol wazzen n veulvoud. Dat wil zeggen achttien man mit nkanner En mit dreuge ogen zeggen dat hai der n goud beeld van kregen het. Vergeet t mor.

Zo mor n beeld over t zwembad, woar gain weerwoord was op wetteg bestuursverkaizens, mor wel goud lusterd is noar argumenten en der wat mit doan wer .Dij kinnen ie onthollen.

Zo mor ien ainent n schrikbeeld. Dij kin k nait weer kwiet worren. Onslutensweg!

Vaaileghaid veur kiener en ollen van doagen, waarkgeraanzies veur  keesmoakers en boeren kwammen op toavel.
De landvoogd nam t woord en snoerde de bek van twijde rabijn. Zien sloaf noast hom langde wodder aan en hai spoulde zien hannen ien onschuld en gaf kiener heur weg over aan t gepeupel.
“Wie vertrouwen weg nait”wer der roupen! “
“Hen mit golden aaier slachten!. Het weg zien verstand verloren? ”
“Wil weg ook nog n pirouetje draaien? Hou mout k dat aan mien vertraauwelingen ien stroat oetleggen?”
“Dij onderkroepsels van kiener mouten zuch eerste twinteg joar mor redden! Vot ter mit !  Doan!!
En aal weer komt dat bovenste beeld mit veul bloud mie veur ogen laans fliddern.
Aarme weg, doe haars t zo goud bedould!

Ottie

Share
comments
   

Wie is online  

We hebben 69 gasten en geen leden online

   
© Gemeentebelangen Bedum