Gemeentebelangen Bedum
   

 Oppazen veur vremde daaier.

Moak Beem vaaileger ston der mit swaarde strepen op n wit klaaid
Was ter politiek zó onvaaileg mit Stoatenverkaizens?
Zolaank aans t rapport over stroeve vaarf veur n vaailege oversteek zunder knibberlichten veur n links draaiende wiellerronde der nait ligt, kin men n zebroa syndroom oplopen. Joa, das nait niks. Oppazen dus!.
Of zol men beducht west weden veur dij vremde noordelke vogel op n recloameklaaid even wieder op ien t laand?
Der wazzen veurtaikens dat ter politieke vogels vleugellam worren zollen,
Zai lagen reddeloos onder verkaizensbreden.
Mor dat zel wel weer aan liem legen hemmen.
Gele en blaauwe krookjes van Gemainte Belangen
steken aal weer mit kop en schollers boven t maaiveld oet.
Ofwachten, wanneer politieke kammeroaden weer aan t koppensnellen goan.
No Stoaten verkaizen veurbie is, kin dörp weer innomen worren deur t blaauwgele legioen
Domt is t aan heur om ons dörp weer op de koart en ien kraant te zetten.
Vot mit de Marken, de Maxiemen, de Joppen, de Geerten, de Alexanders en Jolandekes
Aander lu binnen ook lu!
Mor “Ons volk is ook Volk!”
Even wieder op ston nòg n spandouk ien t laand
Teken! Nu! Ongedaierte dus. Oppazen!
Joa, joa. Ie kinnen van teken meer last hemmen aans van loezen!

Ottie

Share
comments
   

Wie is online  

We hebben 69 gasten en geen leden online

   
© Gemeentebelangen Bedum