Gemeentebelangen Bedum
   

Ontsloeten

Onsloeten aan Noorkaant van Beem. Zo staait ter oflopen 8 December ien Noorderkraant
Loat k no altied docht hemmen dat n dörp onziedeg was. Mor nee Beem is vrouwlek, omreden zij kriegt n ontsloeten.  n Ontsloeten aan noorkaant. Woarom dat no noorkaant nuimd word is mie n roadsel.
k Zol din eerder dinken aan veur- of achterkaant. Aans wat vrouwleks aan achterkaant wat ontslut is dat te roeken,  naitwoar?
Gait n vrouw aan veurkaant ontsloeten din komt ter mainstied wat nijs. En doar gaait dit verslag ien kraant ook over ducht mie.
t College wol t aigenlieks nait bespreken, omreden dat t meschain n motje was. t Mos nog oetzöcht woren wel of aansproakelk steld wer  veur de kosten. Vandoar dat zai t kiend eerst mor n nummer N361 geven hemmen.
k Begriep dat summege roadsleden  even ofwachten wollen om te zain of ginekologen van provincie nog goie pleegollen opzuiken kinnen. Der wer fluusterd,om eerste moudermelk van Domo òf te nemen, wat vanzulm weeer logisch is omreden dij hemmen mit koien te moaken. En aans ie denken wat het dat mit koien van doun, no din lezen ie mor even wieder.
De dainstdounde wetholder hulp elk oet zien dreum.
t Het mit oormaarken van doun. Aans ie nait waiten wel de voader van N361 wort, din mout je m krekt aans kaalver en lammer
n oormaark geven zee man dij t waiten mos. Kinnen ie t kiend loater ook weer terugvienden maank aaner heren-wegen.
Mor welke  gewone staarveling wait no wat ter op zoo’n oormaark of oorflap staait? Joa n nummer en wat streepkes. Mor wat is de daibere betaikenis van dij streepkes. Zol dat ook nog n link hemmen kinnen mit Wikileaks van Julian Assange? De man, dij alle politieke gehaimen op internet gooit?
t Gehaim van oormaarken is nog lang nait oplöst liekt mie  zo tou,
Mor, dat is ook weer t mooie van politiek en oormaarken en van vraauwlekhaid. t Is ondeurgrondelk.    

Ottie

Share
comments
   

Wie is online  

We hebben 29 gasten en geen leden online

   

Statistieken  

   
© Gemeentebelangen Bedum