Gemeentebelangen Bedum
   

 

 

 

Suntermeerten twijdoezendtien.

Twij golden medaljes en ain vetleren plak veur GB ien twijde ronde van begroten. En t mout zegd worren ain eervolle vermeln veur tegestanders.Dij konnen nait mitdoun. Dij villen op steertbonkje.
Eerste plak veur t behoalen van n zebroa. Wat zèg k zebroa`s mit flikkerlichten!
Huift Jan Baarghoes mit min weer ook nait mit kollektebus aan loop.
Twijde plak hemmen ze verdaind mit n kunstmoateg inseminoatie veldje, mor dij medalje hemmen ze weer vot geven aan kwoajongs van Ate. Dij haren ook zo goud heur best doan mit schrievens op bôtpampier.
Zoaans in Noordwòl: als t e f f e kan kunstgras.
Dit haar vanzulm niks mit Noordwòl van doun, loat stoan mit guldens, ien Eurotied.
Mor ja, zai mozzen wel wat, dou GB heur veurtied  bie Gerrit Koning,  t bekende kunstmoatege gras veur vouten votnaaid haar.
Loat zai t gevuil hemmen dat zai t binen hoald hemmen Wie hemmen no teminnend van dat deurnaaide gras. Dat t din twij honderd en twinneg persint duurder is, omreden dat guldens gain Euro`s binnen. No doar zit GB toch nait mit, dij zit nait ien regeern! Doar vienen ze wel n potje veur, wat ik joe zeg. Votgeven dij plak , aans zitten ze joe aalweer op hoed. Kekt aans vandoag. Omreden ze joe nog nait velen kinnen.
Daarde vetleren plak is ter veur, dat ze Gemaainte puutholder zìtten loaten hemmen. Aans ze goud deurdrukt haren, haar dij vanzulm vòt weden mouten. Dij laigenpuut. Mor n PvdA kerel votsturen mit n dikke puut geld ien dizze tied van bezunegen? Doarmit krigt GB van mie dizze vetleren plak. En wees ter mor op verdocht mìnsen, laigenpuuten mouten deurlaigen om eerste leugen mit twijde òf te dekken.
Of, krekt aans scheuvellobers dij ien n scheur vaast lopen en over kop sloagen en stuittend op t steertbonkje terecht kommen.
Bie haardriederijen binnen der körde, midden en laange òfstanden.  En…Winter is nog laank!

Ottie

 

 

 

Share
comments
   

Wie is online  

We hebben 31 gasten en geen leden online

   

Statistieken  

   
© Gemeentebelangen Bedum