Melktaandjes,
n knuvvel en proemen van Jantje Teneelspul ien twij bedrieven ien t Gemaaine hoes:
Wat ien t eerste bedrief nait haildaal oet de vaarf kwam, doar broesde t van ien twijde, dou t gedien weer open ging.
Eerst kregen wie n stukje over voetballen op n maal veldje te zain.
t Ging over n doetje van n midveur, (gain echte gruine graasvreter zelk mor zeggen) dij allint n doelpunt moaken wol. Hai wol nait soamen speulen mit n aaner groder kobbeltje, ondanks dat zien aigen plougje te luddek was. Kereltje laip mit zien kammeroaden van t veld of. Zaag t nait zitten en wedstried ging over Hai kreeg van scheids gain koart, omreden zolaang aans ie nog melktaanjes hemmen worren ie nait haard stravd. Scheids gaait no ien kemissie overleggen of kunstgraas veur meer kiener ook meugelk is. Noadaail is, bie sliestern kinnnen joen billen verbraanden en mouten joe op bloaren zitten goan.
Gedien dicht.
Dou kwam der n opzegverske van Jantje zag ains proemen hangen. Oh aans aaier zukse groden. Nait ain, t leken wel tien verboden. Jantje raip mevraauw nait schudden mevraauw, de proemen binnen nog veul te raauw. Mor Jantje vrat proemen veul te rij. De roeper en de poeper kwamen ien schiederij. Stukje duurde veul te laang. Jantje wer baang. Gedien dicht.
Daarde groepke ( der noast) speulde bèrgoanstied. Zai wollen nait aans noar bèr aans mit n knuvvel. Knuvvel dij wel wat op n olle koale azielkat leek wer veur dag hoald. Hai haar schienboarliek hail zaacht vel, omreden, meer aans haalfschaid van kiener op teneel gingen kat aaien en wollen hom mit onder dekens. Zo binnen kiener no ainmoal. Gedien dicht
Vaaierde groepke het niks doan, dij konnen nait teneelspeulen zeden zai en wollen kat ook nait aaien , omreden allergie veur zwaarfkatten.
Gedien dicht
Noa ofloop wer der nait klapt .
Teneelmeeester nuigde elkenain noatied oet veur chips en ranja
t Was n mooie oavend.
Ottie