Zummer
t Is alweer veurbie dij naddde zummer. n Zummer dij begon ien maai.
t Word sikkom haarsdag en t roadspectoakel kin weer begunnen
Wie hemmen krekt aans ien Tour de France huldegens van de wielerronde had ( Wouter Haan oet Beem kwam aans eerste over krietstreep waiten ie nog wel ?) En din kriegen ie criteriums, n rondje om kerk zel k mor zeggen.
Zo kregen wie omloop van ons dörp mit Max vd Berg ien n kopgroep van notoabeln. Bie n revitaillering, of tewel n bievouerplek op t èn van Stationsweg, snee komsoares ons wetholler even pas of, deur aans eerste over n zebroapad te kuiern en kreeg n pries ien vörm van petietie over te veul vrachtverkeer deur Beem. Mor dat lait ons ôl wethollertje zuch nait op zien kop zitten. Dij organiseerde n autopedwedstried ien Onderndaam. Glansriek twijde wer dizze man (van twij dailnemers). en wer huldigd mit pek en veren
En wat hemmen wie nog meer had , dou ie altmoal achter t glaas zaten mit n dikke bui. Joa regen en regen. Oh joa bejoarden worren bie t verhoezen mit n pot vaarf ofzoltjed. Mainste ollen heugen zuch nog, van vlak noa twijde wereldoorlog dou alles ook slim betuun was.
Ollen waiten nog bliksems goud dat Mans Dobmoa din op fiets deur dorp ree noa n noodslachten. Ie heuren zien dörpsbel nog ien oren rabbeln en “Vlaìs bie Dòbmoa,… pampìer mìtnemen! ” roupen.
Olle tieden herleven zellen bestuurders van Bederawalda wel docht hemmen . Nijbouw, doar zellen dij oldjes wel blied mit weden.
Haalfschait van hoezen komt weerom. Dit is toch rezenaaiern as n metworst woar t vet oetlopen is! En dat bie n aanzwellende grieze massoa, dij aal oller wordt ? Ie mouten ie gain hààlfschait baauwen, mor haalfschait der bìe baauwen!.
Das honderdtwinneg (kin je op vingers noateln) Of nait din oltjes?
Aans der weer zo'n haalfwies middelaiws veurstel deur joen schoefdeuren glippen wil, denk aan Kenau Simonsdochter Hasselear , Moak der mor n tachtegjoarege oorlog van. Kiebel pispotten en teerpotten mor leeg over t balkon op dat gespuis!
En……leste neren aan aanderkaant daip ( zuudkaant) kikt joe mit lege roamen ien t vervolg, liek mit oethongerde hole ogen aan
Ie zellen zo'n politieke oetstaarfkonstructie mor bedocht hemmen !
Tot noader bericht, noa n nadde zummer .
Ottie.